Самарқанд ИИБ 15 сутка маъмурий қамоқ жазоси тайинланган фуқаронинг шифохонада вафот этганлиги юзасидан маълумотлар берди.
Қайд этилишича, Оқдарё тумни “Ойтамғали” МФЙда яшаган фуқаро Б.Р. Пайариқ тумани судининг 03.02.2021 йилдаги суд буйруғига асосан 2 нафар вояга етмаган фарзандлари вояга етгунига қадар алимент тўлаши белгиланган бўлса-да, 2021 йил феврал ойидан 2022 йил октябрь ойига қадар 23.004.990 сўм миқдорида алимент ва моддий таъминот пулларини тўламасдан келганлиги аниқланган.
ЖИБ Оқдарё туман судининг 25.10.2022 йилдаги қарори билан Б.Р.га МЖтКнинг 47-4-моддаси 1-қисми билан 15 сутка маъмурий қамоқ жазоси тайинланган.
Фуқаро Б.Р. маъмурий тартибда қамоққа олинган шахсларни сақлаш учун мўлжалланган Махсус қабулхонага 25 октябрь куни олиб борилган.
Махсус қабулхона ичида фуқаро Б.Р.нинг руҳий ҳолати ёмонлашиши (тутқаноғи тутиб қолган) натижасида йиқилиб, бош қисми хона ичидаги девор бурчагига урилиб, тан жароҳати олган.
У билан бир хонада сақланаётганлар, шунингдек махсус қабулхона ходимлари унга зудлик билан биринчи тез тиббий ёрдам кўрсатишиб, фуқаро РШТЁИМ Самарқанд филиалига олиб борилиб, унга тиббий ёрдам кўрсатилган.
Махсус қабулхонага келтирилгандан сўнг ҳам фуқаро хона ичида ўзига-ўзи гапириб, руҳиятида бузилиш бўлгалиги сабабли, Махсус қабулхона бошлиғи хатига асосан вилоят руҳий касалликлар шифохонасига унинг руҳий ҳолатини текшириш учун юборилган.
28.10.2022 йил Ургут тумани “Ҳалқобод” маҳалласида жойлашган вилоят руҳий касалликлар шифохонасида фуқаро вафот этган.
Айни дамда ҳолат юзасидан прокуратура органлари томонидан терговга қадар текширув ҳаракатлари олиб борилмоқда.
Ҳозирда марҳумнинг ўлими сабабига аниқлик киритиш мақсадида суд-тиббий экспертизаси, ИИБ ходимлари ва шифокорларнинг ҳаракатлари юзасидан хизмат текширувлари тайинланган.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!