Испания миллий терма жамоаси ва Каталониянинг “Барселона” клуби футболчиси Ламин Ямал келажакдаги режалари ҳақида гапириб ўтди.

“Айримлар менда аллақачон иштиёқ қолмаган деб баҳоламоқда. Аммо ҳали менда бир қанча жамоавий ва индивидуал совринларни қўлга киритиш учун иштиёқ етарлича мавжуд. Ҳам терма жамоада ҳам клуб миқёсида кўплаб юксак натижалар қайд этиш ниятидаман. Бунинг учун жисмоний ҳолатим панд бермаса, бор кучим билан, охиригача футбол ўйнашга ҳаракат қиламан.

Шунингдек, ўз олдимга яна кўплаб мақсадларни қўйганман. 18 ёш пайтимда 16-17 ёшларимга нисбатан қўлга киритмаган совринларни дейлик Чемпионлар лигаси ва Жаҳон чемпионатиларини ютишни хоҳлайман. Олдинда яна кўп йиллар бор. Шу сабаб кейинчалик бемалол бу совринларни қўлга киритаман деб ўйлашни ҳам истамайман. Негаки, мен ҳозироқ шу совринларга эга чиқиш учун тайёр ҳолатдаман”.

• Футбол
• Ispaniya
• терма жамоа
• chempionat