“Бугун биз турли соҳаларни қамраб олган етакчи Хитой компаниялари — Chison Medical Technologies, China Resources Pharmaceutical Group, Norinco, Hangzhou Miuge Chemical Commodities Science and Technologies, Хиамен Tungsten, Shandong Gold, Contemporary Amperex Technology, Great Wall Motor, Origin Quantum, Чина Aerospace Science and Technology — билан бир қатор мазмунли ва самарали учрашувлар ўтказдик.

Кун тартибимизда барча йўналишларда ўзаро манфаатли ҳамкорликни йўлга қўйиш, илғор ишлаб чиқариш қувватлари ва юқори технологияларни Ўзбекистонга жалб этиш, маҳаллий мутахассислар салоҳиятини ошириш ҳамда мамлакатимизни минтақавий ва глобал таъминот занжирларига самарали интеграция қилиш масалалари муҳокама қилинди.

Биз Хитой компанияларининг Марказий Осиёнинг жадал суръатларда ривожланаётган бозорига кириш борасидаги самимий қизиқишларини қадрлаймиз” – деди Ташқи ишлар вазири ўз расмий саҳифаси орқали.

• Бахтиёр Саидов
• Тадбиркорлик
• Tashqi ishlar vazirligi
• Хитой