Бугун, 24 июнь куни Эрон томонидан Исроилга қарши тўртта ҳужум тўлқинидан сўнг ўт очишни тўхтатиш бўйича битим кучга кирди. Бу ҳақда Эроннинг Press TV телеканали хабар берди.

“Тўртта тўлқиндан иборат Эрон ҳужумларидан сўнг ўт очишни тўхтатиш бошланди”, – дейилган хабарда.

Буни АҚШ Президенти Доналд Трамп ҳам тасдиқлади.

“Ўт очишни тўхтатиш кучга кирди. Илтимос, уни бузманг”, – деб ёзди у Truth Social ижтимоий тармоғида.

Аввалроқ Трамп Эрон ва Исроил ўртасида оташкесим бўйича келишувга эришилганини эълон қилган эди. Унга кўра, Исроил ва Эрон 12 соатга тўлиқ ва буткул ўт очишни тўхтатишга рози бўлган. Эрон расман сулҳни бошлайди, 12 соатдан кейин Исроил ўт очишни тўхтатади, 24-соатда эса дунё 12 кунлик урушнинг расман якунланганини кутиб олади.

• Битим
• Eron
• Isroil