Бош прокуратура ҳузуридаги Департаментнинг ҳудудий бўлимлари томонидан Электр тармоқларига ноқонуний уланиш ҳолатлари фош этилмоқда.

Хусусан, Андижон шаҳрида якка тартибдаги тадбиркор А.С. ва бошқалар «С.С.» номли кафени ҳеч қандай ҳужжатсиз умумий фойдаланишдаги электр тармоғига ўзбошимчалик билан улаб, 1,5 млн кВт/с электр энергиясидан ноқонуний фойдаланиб келганликлари аниқланган.

Шунингдек, Мирзачўл туманида «И.П.» МЧЖ вилоят филиали раҳбари Д.Н. ва бошқалар компьютер саводхонлиги бўйича ўқув марказ биносини ҳеч қандай ҳужжатсиз умумий фойдаланишдаги электр тармоғига ўзбошимчалик билан улаб, 233,5 минг кВт/с электр энергиясидан ноқонуний фойдаланган.

Шу каби, Асака туманида 163,2 минг кВт/с, Бағдод туманида 116,5 минг кВт/с электр энергиясидан ноқонуний фойдаланиш ҳолати кузатилган.

Қайд этилишича, ушбу қонунбузилиш ҳолатлари оқибатида давлат ва жамият манфаатларига жами 913,5 млн сўм зарар етказилган.

Маълум қилинишича, мазкур ҳолатлар юзасидан Жиноят кодексининг 185-2-моддаси (электр, иссиқлик энергияси, газ, водопроводдан фойдаланиш қоидаларини бузиш) билан жиноят ишлари қўзғатилиб, тергов ҳаракатлари ўтказилмоқда.

• Departament
• Электр энергияси