Андижон вилоятининг Жалақудуқ туманида 23 ёшли келин адирлик ҳудудида ўзига бензин қуйиб, ёқиб юборди. Бу ҳақда Xabardor.uzʼга Бош прокуратура матбуот котиби Ҳаёт Шамсутдинов маълум қилди.

Билдирилишича, туманнинг «Бирлашган» МФЙ Савоб кўчасида яшовчи 1999 йилда туғилган аёл А.Р. «Навоий» МФЙ ўрамида жойлашган адирлик ҳудудида борган ва у ерда ўзига бензин қуйиб, ёқиб юборган. Шу вақтда аёл атрофда бўлган одамлар томонидан қутқариб қолиниб, шифохонага олиб кетилган.

Бироқ шифокорлар томонидан кўрсатилган тез-тиббий муолажаларга қарамасдан у 7 март куни шифохонанинг жонлантириш бўлимида вафот этган.

А.Р. 06.06.2022 йилдан буён шаръий никоҳ асосида 04.03.1991 йилда туғилган Т.Н. билан бирга Жалақудуқ тумани, «Бирлашган» МФЙ, «Савоб» кўчаси, 111-уйда яшаб келган.

Маълум қилинишича, ҳолат юзасидан Жиноят кодексининг 103-моддаси (ўзини ўзи ўлдириш даражасига етказиш) билан жиноят иши қўзғатилган.

• Андижон
• Бош прокуратура
• O'lim