“Коррупцияни таг-томири билан қуритиш учун аввало инсон омили ва қоғозбозликни камайтиришга алоҳида эътибор қаратилмоқда”, – дейилади Шавкат Мирзиёев раислигида Коррупцияга қарши курашиш бўйича миллий кенгашнинг коррупциянинг олдини олиш бўйича ишлар натижадорлиги ва келгусидаги устувор вазифаларга бағишланган кенгайтирилган йиғилишида.

Шунингдек, аҳолига ер бериш жараёни коррупция “ўчоғи”га айлангани таъкидланди.

Шунингдек, ерни ҳоким қарори билан ажратишдан тўлиқ воз кечилиб, аукцион тизимига ўтилгани натижасида бу тизим халқчил бўлгани қайд этилди.

“Қурилиш соҳаси энг коррупсиялашган соҳалардан бири эди. “Шаффоф қурилиш” дастури жорий этилганидан кейин бу йўналишда ҳам ижобий ўзгаришлар сезилмоқда”, – дейди Шавкат Мирзиёев.

Бундан ташқари, илгари инвестиция дастурига кирган объектларни қурадиган пудратчилар мингтага ҳам етмаслиги,  ўтган йили эса 13,5 мингта объект қурилишида 4 мингдан зиёд пудратчи иштирок этгани таъкидланди. Соҳа рақамлашгани ҳисобига ўтган 4 йилда 3,6 триллион сўм бюджет маблағи тежалган.

Лекин қурилишга рухсат бериш, бинони топширишда ёнғин хавфсизлиги бўйича бюрократия ва қонун бузилиш кўпайиб кетгани учун ўтган ҳафта фавқулодда вазиятлар вазири ва унинг ўринбосарлари ишдан олинган.

• Коррупция
• Шавкат Мирзиёев
• yig'ilish