Президент фармонига мувофиқ, 2025 йил 1 июлдан бошлаб пенсиялар ва нафақалар ҳамда кам таъминланган оилаларга болалар нафақалари ва моддий ёрдам тўловлари миқдорлари 10 фоизга оширилади. Бунда:

– ёшга доир энг кам пенсия миқдори – ойига 918 000 сўм этиб;

– ногиронлик пенсияларининг энг кам миқдори – ойига 1 012 000 сўм этиб;

– кам таъминланган оилаларга болалар нафақасининг ҳар ойлик миқдори:

– 3 ёшгача бўлган битта кичик фарзанди учун – 360 000 сўм, 3 ёшдан 18 ёшгача бўлган битта фарзанди учун – 275 000 сўм;

– оиланинг иккинчи фарзанди учун қўшимча – 165 000 сўм;

– оиланинг учинчи ва ундан кейинги ҳар бир фарзанди учун қўшимча – 110 000 сўм этиб;

– кам таъминланган оилалар учун моддий ёрдамнинг ойлик миқдори

– 420 000 сўм этиб;

– фуқароларга тўланадиган бошқа пенсиялар ва нафақалар миқдорлари иловага мувофиқ белгиланди.

Шунингдек, базавий миқдорлар ҳам белгиланди.

Президент фармонига кўра:

– 2025 йил 1 июлдан бошлаб пенсияни ҳисоблашнинг базавий миқдори – ойига 471 000 сўм этиб.

2025 йил 1 августдан бошлаб:

— меҳнатга ҳақ тўлашнинг энг кам миқдори – ойига 1 271 000 сўм;

— базавий ҳисоблаш миқдори – 412 000 сўм этиб белгиланди.

• Фармон
• Нафақа
• Президент
• пенция