“One Million Uzbek Coders” (“Бир миллион ўзбек дастурчилари”) битирувчилари учун компьютер сотиб олишга фоизсиз кредитлар, берилади бу ҳақда my.gov.uz ягона интерактив давлат хизматлари портали хабар бермоқда.

“Бир миллион ўзбек дастурчилари” курсларни тугатиб сертификат олган ёшларга “Алоқабанк”, “Микрокредитбанк” ва “Халқ банки” томонидан компьютер харидлари учун БҲМнинг 25 бараваридан юқори бўлмаган миқдорда (6 млн. 750 минг сўм) истеъмол кредитлари ажратилиши кўзда тутилган.

Мазкур кредитлар 2 йилгача берилиб, унинг фоизи Ёшлар ишлари агентлиги томонидан компенсация қилинади. Асосий қарзни кредит олувчининг ўзи тўлайди (бу 1 ойга тахминан 281 250 сўмдан тушади).

Кредит олиш учун “One Million Uzbek Coders” битирувчиси компьютер сотувчи дўкон топиб, уни сотиб олиш бўйича шартнома тузиши керак.

Сўнгра, кредит компенсациясини олиш учун ушбу ҳавола орқали онлайн ариза юбориши талаб этилади.

Ёшлар ишлари агентлиги кредит компенсацияси тўғрисида маълумотнома юборганидан кейин, банк битирувчининг кредит олиш тўғрисидаги аризасини кўриб чиқиб, шартларга тўғри келса, техника сотувчисининг ҳисоб рақамига маблағларни ўтказади.

Маълумот учун, БҲМ (базавий ҳисоблаш миқдори) – 270 000 сўмни ташкил қилмоқда.

• Дастурчи
• Кредит