Россия Хавфсизлик кенгаши раиси ўринбосари Дмитрий Медведев Буюк Британия бош вазири Борис Жонсоннинг истеъфога чиқишини Британиянинг такаббурлиги ва ўртамиёна сиёсати натижаси деб атади. Бу ҳақда Медведев ўз Телеграм саҳифасида ёзиб қолдирди.

Хавфсизлик кенгаши раиси ўринбосари Жонсоннинг истеъфога чиқиши ҳақидаги хабарни шарҳлар экан шундай деди:

"Биринчиси кетди... Британия такаббурлиги ва ўртамиёна сиёсатининг мантиқий натижаси. Айниқса, халқаро сиёсатда. Германия, Полша ва Болтиқбўйи давлатларида ҳам янгиликлар кутамиз".

Маълум қилинишича, Жонсон истеъфога чиқишга рози бўлган. Бироқ, у кузгача ҳукмрон партиянинг янги раҳбари сайлангунга қадар ўз лавозимида қолади.

• Boris Jonson
• Буюк Британия
• Medvedev
• Россия