Бразилияда кучли ёмғир сабаб сув тошқини қурбонлари сони 107 нафарга етди. Фуқаро мудофааси бошқармаси маълумотларига кўра, яна 136 киши бедарак йўқолганлар рўйхатида. Бу ҳақда “Анадулу” хабар берди.

Қайд этилишича, ўтган ҳафта мамлакат жанубидаги Рио-Гранде-ду-Сул штатида катта ҳажмдаги ёмғир ёққан. 374 жабрланувчи эса давлат шифохоналарига етказилган, Ҳозирда қидирув-қутқарув ишлари давом этмоқда. Маҳаллий матбуотнинг ёзишича, минглаб одамлар ҳалигача электр ва интернетсиз қолмоқда. Шунингдек, қурбонлар сони ортиб бориши мумкинлигидан хавотирлар бор.

3 май куни штат губернатори Эдуардо Леите 180 кунлик фавқулодда ҳолат эълон қилган.

“Биз жуда фавқулодда вазиятни бошдан кечирмоқдамиз. Бу танқидий воқеа эмас, балки штат тарихидаги энг ҳалокатли воқеа”, - деди губернатор.

Табиий офат ҳудудига икки марта ташриф буюрган Бразилия президенти Луиз Инасиу Лула да Силва расмийлар минтақани қайта тиклашга ваъда берган.

• Braziliya
• Suv toshqini