Буюк Британия қироли Чарльз III шаҳзода Гарри ва Меган Маркл ўзининг тож кийиш маросимида қатнашишларини хоҳлайди, аммо валиаҳд Уильям бунга қарши. Бу ҳақда “Daily Mail” нашри хабар берди.
Қайд этилишича, қирол Чарльз архиепископ Жастин Уэльбидан шаҳзода Гарри ва Меган Марклнинг маросимда қатнашиши учун воситачилик қилишни сўраган.
Саройдаги юқори мартабали манбаларнинг нашрга маълум қилишича, Буюк Британия қироли Сассекс герцоглари унинг тож кийиш маросимида қатнашишини хоҳлайди, аммо шаҳзода Уильямнинг қаршилигига дуч келди. У укасини вазиятдан фойдаланиб, бу муҳим воқеада “кўзга соя соладиган ҳийла-найрангларни содир этишидан” қўрқади.
Хабарларга кўра, қирол Кентербери архиепископидан ўзининг жанжалкаш ўғиллари ўртасида Гарри ва Меганга 2023 йил май ойида Буюк Британияга ташриф буюришга имкон берадиган келишувга воситачилик қилишни сўраган.
Инсайдернинг таъкидлашича, Чарлз III ён беришга тайёр, чунки у Гарри ва Меган Марклнинг тож кийиш маросимида иштирок этиши қироллик оиласи обрўсига ижобий таъсир кўрсатишига ишонади. Бундай қарорга “Гарри ва Меган” ҳужжатли сериали ва Сассекс герцогининг “Захира” хотиралари ортидан юз берган бир қатор можаролар сабаб бўлиши мумкин.
Эслатиб ўтамиз, аввалроқ қироллик оиласининг дўсти шаҳзода Гарри Чарльз III’нинг тож кийиш маросимига келмаслигини айтган эди.
Кенжа ўғил – Гаррининг исми отасининг тож кийиш маросими учун тайёрланган сценарийдан ўчириб юборилгани хабар қилинган эди.
Қирол Чарльз анъанадан четга чиққан ҳолда герцогларнинг қирол қаршисида тиз чўкиб, унга ҳурмат бажо келтиришидан воз кечади. Бу ролни фақатгина шаҳзода Уильям бажаради.
Бунга сўнгги вақтларда шаҳзода Гаррининг шов-шув кўтариш ва қироллик оиласи аъзоларини қоралашга ҳаракат қилаётгани сабаб сифатида келтирилган.
Қайд этиш мумкин, тож кийиш маросими 2023 йилнинг 6 май санасига режалаштирилган.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!