“Айрим Telegram каналлар бугун ходимлар 1 соат олдин уйга кетишга қонуний ҳаққи борлигини ёзишибди. Бу нотўғри.

Сабаби Меҳнат кодексининг 187-моддасида ишланмайдиган байрам кунлари арафасида ҳар кунлик ишнинг(сменанинг) давомийлиги барча ходимлар учун камида бир соатга қисқартирилади, деб белгиланган. "Арафаси" деганда қачон назарда тутилганига шу модданинг иккинчи бандида изоҳ берилган: “байрамдан олдинги куни”.

Хулоса:

иш вақти 1 соатга қисқариши учун иш кунининг эртаси кунида ишланмайдиган байрам куни бўлиши керак. Одатий ёки қўшимча берилган дам олиш кунлари ҳисоб эмас.

Эртага — 31 август. Ҳеч қанақа байрам куни эмас, одатий якшанба куни.

Бизда Мустақиллик байрами расман 1 сентябрга белгиланган. Демак, шундан бир кун аввал, яъни фақат 31 август кунида иш вақти 1 соатга қисқартирилиши мумкин холос. Лекин жорий йилда 31-август якшанба кунига тўғри келади.

Маълумот учун: бугун — шанба куни, 5 кунликлар учун одатий дам олиш, 6 кунликлар учун эса иш куни” - деб ёзади Хушнуд Худойбердиев.

• Dam olish kuni
• Ish
• Ish beruvchi
• Ishchi