Бугун соат 16:00 да Жиноят ишлари бўйича Тошкент шаҳар Учтепа тумани судида Мубашшир Аҳмад иши бўйича навбатдаги суд мажлиси бўлади.

Олдинроқ, Мубашшир Аҳмад (Алишер Турсунов)га оид жиноят ишини кўриб чиқиш бўйича 2 октябрь куни ўтказилиши белгиланган суд мажлиси 8 октябрга қолдирилгани ҳақида хабар берилган эди.

Эслатиб ўтамиз, Алишер Турсунов иши бўйича тўртинчи суд мажлиси (ҳозирча сўнгиси)да Учтепа тумани прокурори ўринбосари Эркин Нарзуллаев суддан-судланувчини Ўзбекистон Жиноят кодексининг 156-моддаси, 244-1-модда ва 244-3-моддаларида назарда тутилган ҳаракатларни содир қилишда айбдор, деб топишни сўраган. Хусусан, прокурор Мубашшир Аҳмадга “ўзаро санкцияларни қўшиш йўли билан узил-кесил 7 йил муддатга озодликдан маҳрум қилиш” ва “БҲМнинг 150 баробари миқдорида жарима” қўллашни сўраган.

Адвокатлар гуруҳи эса Алишер Турсуновдан 2 та модда: “Жамоат хавфсизлиги ва жамоат тартибига таҳдид соладиган материалларни тарқатиш” ҳамда “Миллий, ирқий, этник ёки диний адоват қўзғатиш” айбловларини олиб ташлашни сўраган эди.

• Суд
• Uchtepa