Бугун, 1 март куни Ўзбекистон мезбонлигида ўтадиган 20 ёшгача футболчилар ўртасидаги Осиё кубоги старт олади. 16 та мамлакат жамоалари иштирок этувчи мусобақа Тошкент шаҳрида жойлашган “Бунёдкор”, “ЖАР”, “Локомотив” ва Фарғонадаги “Истиқлол” стадионларида ўтказилади.

Регламент

16 жамоа тўртта гуруҳга ажратилади ва ўз квартетида дастлабки икки ўринни қўлга киритган жамоалар 1/4 финалга йўл олади. Ярим финал йўлланмасига эга чиққан тўрт терма жамоа 2023 йилнинг май – июн ойларида Индонезияда бўлиб ўтадиган Жаҳон чемпионатида иштирок этиш ҳуқуқини қўлга киритади.

Турнирда Индонезия ёшлар жамоаси ҳам иштирок этмоқда. Агарда жамоа ярим финалгача етиб борса, чорак финалда мағлуб бўлган 4 мамлакат ёшлари яна битта йўлланма учун курашиш имконига эга бўлади.

Ўзбекистоннинг йўли

Мураббий Равшан Ҳайдаров қўл остидаги жамоа “А” гуруҳида Сурия, Ироқ ва Индонезияга қарши баҳс олиб боради. Гуруҳ масаласи ҳал этилса, чорак финалда “Б” гуруҳининг Қатар, Австралия, Ветнам ёки Эрон жамоаларидан бири рўбарў келади.

Ўзбекистон ёшлар терма жамоасининг тақвими:

Ўзбекистон – Сурия
1 март, 19:00 (“Бунёдкор”, Тошкент)

Ироқ – Ўзбекистон
4 март, 19:00 (“Бунёдкор”, Тошкент)

Ўзбекистон – Индонезия
7 март, 19:00 (“Истиқлол”, Фарғона)

• Футбол
• Осиё Чемпионати