Бугундан бошлаб омонатчилар “Туркистонбанк”даги маблағларини қайтариб олишлари мумкин.

Ўзбекистон Марказий банки бошқарувининг 2022 йил 7 октябрдаги қарорига асосан “Туркистон” хусусий акциядорлик тижорат банкининг фаолият амалга ошириш ҳуқуқини берувчи лицензияси тугатилган эди.

Қайд этилишича, фуқароларнинг банклардаги омонатларини кафолатлаш фонди Кузатув кенгашининг 2022 йил 18 ноябрдаги қарорига асосан “Туркистонбанк” омонатчиларининг маблағлари муддатидан аввал қайтирилиши белгиланди.

Бугун, 21 ноябрдан бошлаб “Туркистонбанк” омонатчилари бўлган жисмоний шахслар омонатга жойлаштирган маблағлари юзасидан агент-банк сифатида танланган “Қишлоқ қурилиш банк”га мурожаат этишлари мумкин.

Шунингдек, омонатчилар қайтариб олинаётган пул маблағларини ўзлари хоҳлаган тарзда – нақд пул шаклида олиши, банк картасига кўчириши ёки агент-банк бўлган “Қишлоқ қурилиш банк”га омонатга қўйиши мумкин.

• Bank
• Omonatlar