“Тhe Washington Post” газетасининг ёзишича, жорий йилнинг 4 июль куни АҚШ президенти Доналд Трамп ва Украина президенти Володимир Зеленский телефон орқали мулоқот қилган.

Аммо бу суҳбат ўша кунларда оммадан яширилган.  Сабаби ўша суҳбатда Украинанинг амалдаги ҳолати ва қарши ҳужумга ўта олиши ёки олмаслиги каби ўта нозик масалалар муҳокама қилинган.

Хусусан, Трамп Украина Москва ёки Санкт-Петербург каби шаҳарларга ҳужум қила оладими деган саволга Зеленский: “Агар бизда кераклича қурол-яроғ бўлса биз буни қила оламиз” – дея жавоб берган.

Кўплаб ғарб оммавий ахборот воситалари бу ҳақда хабар топишган. Аммо ўзларининг хавфсизлик нуқтаи-назаридан мазкур суҳбатни бошқача кўринишда тақдим этишган.

Кейинроқ Оқ уй матбуот котиби Керолин Левит баёнот бериб, ҳақиқатан ҳам бу суҳбат бўлиб ўтганини, аммо президент Трамп бу маълумотларни шунчаки оддий маълумотни билиш учунгина сўраганини гапириб ўтди.

• АҚШ
• Трамп
• Украина
• Зеленский