Бухоро вилоятида алимент тўламагани учун Мажбурий ижро бюроси ходимлари қидириб келган фуқаронинг укаси уларга пичоқ билан ташланди.

Қайд этилишича, икки марта оила қуриб ажрашган эркак 2 нафар фарзандига алимент тўламай келган. Бюро органларидан доимий равишда қочиб юргани боис унга нисбатан қидирув эълон қилинган.

Қидирувдаги фуқаронинг уйига борган МИБ ходимларига қарздорнинг укаси ошхона пичоғи билан ташланган ва тан жароҳати етказишга уринган.

Мазкур ҳолат юзасидан Бухоро шаҳар прокуратураси Жиноят кодексининг 219-моддаси (ҳокимият вакилига ёки фуқаровий бурчини бажараётган шахсга қаршилик кўрсатиш) 2-қисми билан жиноят иши қўзғатилиб, айбланувчи эҳтиёт чораси сифатида қамоққа олинган.

• Бухоро
• ИИББ
• МИБ