Самарқандда бир туп тут дарахтини кесган фуқаро 75 миллион сўм жаримага тортилди.
Самарқанд вилояти Экология, атроф-муҳитни муҳофаза қилиш ва иқлим ўзгариши бошқармаси Тойлоқ туман бўлими томонидан назорат рейд тадбирлари ўтказилган. Ушбу рейд давомида туманнинг Хўжаюз МФЙ ҳудудида фуқаро У. З. томонидан тегишли рухсатларсиз соғлом 1 туп тут дарахти кесиб ташланганлиги маълум бўлган. Натижада табиатга 71 миллион 250 минг сўм зарар етказилган.
Мазкур ҳолат юзасидан ҳуқуқбузарга нисбатан МЖтКнинг 79-моддаси 1-қисми билан маъмурий баённома расмийлаштирилган. Шунингдек, у БҲМнинг 10 баравари - 3 миллион 750 минг сўм миқдорида жаримага тортилган. Энди ҳуқуқбузар фуқаро қилмиши учун жами 75 миллион сўм тўлайдиган бўлди.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!