Малайзия компанияси янги Тошкентда қуёш панелларини ўрнатишни режалаштирмоқда. Бу ҳақда “Дунё” АА хабар берди.

Ўзаро ҳамкорлик истиқболлари Ўзбекистон Республикаси элчиси Каромиддин Гадоевнинг Малайзиянинг “Sunview Group” компанияси бош директори Онг Ханг Ping билан учрашуви чоғида муҳокама қилинди.

“Онг hang Ping янги Тошкентда қурилаётган йирик биноларнинг томларига ўрта қувватли қуёш панелларини ўрнатиш, шунингдек, Қашқадарё вилояти сув таъминоти насос станцияларини қайта тикланадиган энергия манбалари билан таъминлаш бўйича лойиҳаларни амалга оширишда Ўзбекистон томони билан ҳамкорлик қилишга тайёрлигини билдирди”, — дейилади хабарда.

Бундан ташқари, малайзиялик тадбиркор жорий йил охиригача Фарғона вилоятида 200 МВт қувватга эга қуёш электр станциясини қуриш лойиҳасини ишга туширишга тайёрлигини билдирди. Шунингдек, ҳозирда Андижон вилоятида 400 МВт қувватга эга қуёш электр станциясини қуриш учун тегишли ер участкалари белгиланмоқда.

Ҳозирги вақтда компания мутахассислари ушбу лойиҳалар устида ишлашни бошлаш учун республикада узоқ муддатли хизмат сафарида.

• Malayziya
• Ўзбекистон
• quyosh batareyalari