Шунингдек, мамлакат миллий тараққиёт дастурига Чотқол-Тошкент янги автомобиль йўлини қуриш ҳам киритилган.

Қирғизистон яқин йилларда темир йўл қурилиши бўйича бир нечта лойиҳаларни амалга оширишни режалаштирмоқда. Бу ҳақда Қирғизистон ҳукумати томонидан эълон қилинган 2030 йилгача мўлжалланган миллий ривожланиш дастурида айтилган.

Қирғизистон транспорт секторининг қўшилган қиймати $0,5 млрд.ни ташкил этади. Ҳукумат халқаро транспорт йўлаклари билан алоқанинг сустлигини экспорт имкониятларини чекловчи омил сифатида кўрсатмоқда.

2030 йилгача транспорт инфратузилмасини модернизация қилиш режаларига темир йўл тармоқларини ривожлантириш ҳам киритилган. Хитой-Қирғизистон-Ўзбекистон магистрали лойиҳасига, унинг транзит имкониятлари ва савдо алоқаларини кенгайтиришдаги аҳамиятига алоҳида эътибор қаратилмоқда.

Боткен вилоятини ривожлантириш режаси доирасида Боткен-Қўқон темир йўлини барпо этиш мўлжалланмоқда. Бу лойиҳа янги иш ўринлари яратилишига, транспорт инфратузилмаси ва савдо алоқаларининг яхшиланишига хизмат қилиши кутилмоқда.

• Қирғизистон
• Qo'qon
• Темир йўл