Ўзбекистон элчихонаси дипломатлари Сид банкнинг бошқарув раиси ва ривожланиш ва экспорт банки бош директори Борут Ямник билан учрашув ўтказди.

Музокаралар чоғида Словения банки раҳбари ўзбекистонлик ҳамкор банклар ва молия институтлари билан бевосита ҳамкорлик қилишга тайёрлигини билдирди.

Шунингдек, у Сид Банк Словениядаги ҳамкорлари орқали Ўзбекистонда фармацевтика ва телекоммуникация тармоқларини ўз ичига олган лойиҳаларни амалга оширишда иштирок этишини таъкидлади. Хусусан, “Ўзбектелеком” ва Словениянинг Искрател компанияси ўртасидаги ўзаро муносабатлар муҳокама қилинди.

Учрашув якунида томонлар Сид банки Ўзбекистон банклари учун махсус кредит линияларини ажратиш тўғрисида келишиб олдилар.

• Bank
• Ҳамкорлик
• Ўзбекистон
• Sloveniya