Ижтимоий тармоқларда эълон қилинган “Энди радардан келган штрафни битта телефон орқали ўчиртирса бўлади” сарлавҳали хабар мутлақо ҳақиқатга тўғри келмайди.

Тошкент шаҳар ЙҲХБ Эксплуатация-монтаж бўлими диспетчерлик хизматининг 71 294 29 82 телефон рақами фуқароларга ишламаётган светофорлар, ўчиб кетган (нотўғри чизилган) йўл чизиқлари, тўсилиб қолган (нотўғри ўрнатилган) йўл белгилари сингари йўлдаги камчиликларга дуч келган тақдирда мурожаат қилишлари учун жорий этилган.

Бу ҳақда, Ўзбекистон Республикаси Ички ишлар вазирлиги Жамоат хавфсизлиги департаменти Йўл ҳаракати хавфсизлиги хизмати маълум қилди.

“Ижтимоий тармоқлардаги журналист ва блогерлар шунингдек, Telegram канал админларидан асоссиз ёлғон хабарлар билан тармоқ фойдаланувчиларини чалғитмасликларини сўраймиз”, – дейилади хабарда.

• Жарима
• ЙҲХБ