Бирнечта фуқароларни АҚШ, Франция ва Канадага юборишни ваъда қилганлар аниқланди.
Бу ҳақда Иқтисодий жиноятларга қарши курашиш департаменти хабар берди. Қайд этилишича, Департаментнинг Чилонзор туман бўлими томонидан ДХХ ходимлари билан ҳамкорликда тезкор тадбир ўтказилган. Унда уч нафар фуқаро Ш.Ш.га танишлари ёрдамида Европа давлатлари орқали АҚШга юбориши ва виза ҳужжатларини расмийлаштириб беришларини ваъда қилган. 32 000 АҚШ долларни олаётган вақтида эса далиллар билан ушланган.
Шунингдек, текширувда фуқаро О.З. фуқаро Ш.Ф.ни ва унинг оила аъзоларини Франция давлатига боришлари учун виза ҳужжатларини олиб беришни ваъда қилган. Натижада 3 900 АҚШ долларини ўзининг виза картасига ўтказиб олганлиги аниқланган.
Шу каби ҳолат Оқдарё туманида ҳам тезкор тадбир вақтида аниқланган. Яъни, уч нафар фуқаро Р.М.ни танишлари ёрдамида 7 000 АҚШ доллари эвазига Канада давлатига ишга юборишини ваъда қилган. Олдиндан 1 500 АҚШ доллари ва 600 минг сўмни олган вақтида ашёвий далиллар билан ушланган.
Мазкур ҳолатлар юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят ишлари қўзғатилиб, тергов ҳаракатлари ўтказилмоқда.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!