ЕИ Ўзбекистон қишлоқ хўжалигига 6 млн евро ажратди

2024 йил 25 апрелда Европа Иттифоқи томонидан Ўзбекистон Ҳукуматига 6 миллион евро (82 миллиард сўмга яқин) маблағ ажратди. Бу маблағ мамлакатнинг қишлоқ хўжалиги соҳасида ислоҳотлар олиб борилишини рағбатлантириш ва макро-иқтисодий барқарорликни сақлаб қолдишда илғор натижалар кўрсатгани сабабли тақдим этилди.

6 миллион евро миқдоридаги грант, Миллий Озиқ-овқат Хавфсизлиги ва Соғлом озиқланиш стратегияси ва Дастур бюджетлаштириш бўйича қўлланмалар каби, асосий қадриятларнинг қабул қилинишини қўллаб-қувватлашда ёрдам берди. Грант билан биргаликда, қишлоқ хўжалиги вазирлигини ислоҳотлар режалаштиришида Европа Иттифоқи техник ёрдамини кўрсатди.

Европа Иттифоқи ва Ўзбекистон ҳукумати ўртасидаги келишувга кўра, 2020-2030 йилларга мўлжалланган Миллий Қишлоқ хўжалигини ривожлантириш стратегияси амалини қўллаб-қувватлашга жами 20 миллион евро ажратилишини кўзда тутганлиги сабабли, жорий ва келгуси йилда қўшимча грантлар кутилмоқда. Умумий мақсад – Ўзбекистон халқини кўпроқ иш ўринлари ва даромадлар билан таъминлайдиган бозорга олиб чиқиш, хавфсиз ва тўйимли озиқ-овқат маҳсулотлари, шунингдек, барқарор қишлоқ-озиқ-овқат секторидан фойдаланиш имкониятларини кенгайтиришдан иборат.

“Қишлоқ хўжалиги сектори Ўзбекистон иқтисодиёти учун жуда муҳим ва фуқароларни иш билан таъминлайдиган асосий манба ҳисобланади. Қолаверса, оила фермерлар, Ўзбекистон фуқаролари томонидан истеъмол қилинадиган гўшт ва сабзавотларнинг асосий қисми етиштирилади. Шу боис, биз ушбу деҳқон хўжаликларининг ривожланиши, ўзгарувчан иқлим шароитига мослашиши, атроф-муҳитни муҳофаза қилиши, соғлом озиқ-овқат маҳсулотларини етиштириши ҳамда маҳаллий ва глобал қиймат занжирининг бир қисмига айланишига имкон берадиган ислоҳотларга эътибор қаратмоқдамиз.

Грант маблағлари Европа Иттифоқининг ГСП+ каби бошқа ташаббуслари билан бир қаторда, Европа Иттифоқига экспорт ҳажмини оширишга ёрдам беради”, - дея таъкидлайди Европа Иттифоқининг Ўзбекистондаги элчиси Шарлотта Адриан.

Барқарор қишлоқ-озиқ-овқат сектори Европа Иттифоқининг Ўзбекистон учун узоқ муддатли индикатив дастурининг (2021-2027 йиллар) учта стратегик устувор йўналишларидан биридир. Бошқа устувор йўналишлар яхши бошқарув ва инклюзивлик, шунингдек экологик ва рақамли ўсишларда мавжуд. Дастур доирасида 2021 йилдан буён Ўзбекистонга деярли 76 миллион евро (тахминан 1 триллион сўм) ажратилди.

Европа Иттифоқи Ўзбекистоннинг агро-озиқ-овқат сектори учун асосий таъминотчи ҳисобланади. 20 миллион евро миқдоридаги грантларни тақсимлашдан ташқари, Европа Иттифоқи 2020-2023 йиллар оралиғида секторни 32,5 миллион евро ажратиб келади.

• Yevropa Ittifoqi