27 январь куни Германиянинг кўплаб шаҳарларида ўнг экстремизмга қарши норозилик намойишлари бўлиб ўтди. Бу ҳақда “Казинформ” хабар берди.

Маҳаллий полиция маълумотларига кўра, биргина Дюсселдорфда 100 мингга яқин одам йиғилган. Шунингдек, ушбу намойишлар мамлакатнинг кўплаб кичик шаҳарларида ҳам бўлиб ўтган.

Ғарбий Аахен шаҳрида эса 20 мингга яқин одам норозилик намойишига йиғилган. Намойишчиларнинг асосий шиорлари: “Биргаликда ўнг экстремизмга қарши! Инсоният ва демократия учун биргаликда!”.

“Кўп сонли бўлишига қарамай, ўнг экстремизмга қарши митинглар тинч ва жамоат тартибини сезиларли даражада бузмасдан ўтмоқда”, - дейилади хабарда.

• Германия
• Намойиш