Тошкент вилояти ҳокими Зойир Мирзаевнинг 24 февралдаги фармойишида Чирчиқ шаҳри ҳокими вазифасини бажариш ҳоким ўринбосари Журъатбек Раҳмоновга вақтинча юклангани маълум қилинди.

Қайд этилишича, Даврон Ҳидоятовнинг соғлиғи ёмонлашгани сабабли Чирчиқ шаҳар ҳокими вазифасини вақтинча бажариш ҳокимнинг молия-иқтисодиёт ва камбағалликни қисқартириш масалалари бўйича биринчи ўринбосари Журъатбек Раҳмонов зиммасига юкланди.

Фармойишга асос сифатида Даврон Ҳидоятовнинг тиббий хулоласи келтирилган.

Даврон Ҳидоятов 2014 − 2017 йилларда Ўзбекистон Хусусийлаштириш, монополиядан чиқариш ва рақобатни кучайтириш давлат қўмитаси раиси, 2017 − 2018 йилларда Чилонзор тумани ҳокими, 2018 − 2021 йилларда Тошкент шаҳар ҳокимининг архитектура, капитал қурилиш ва коммуникацияларни ривожлантириш масалалари бўйича биринчи ўринбосари лавозимида фаолият юритган.

2020 йил январь ойи охирида Тошкент вилояти ҳокими этиб тайинланган, 2021 йил ноябрида эса лавозимдан озод этилган ва Чирчиқ шаҳар ҳокими вазифасига тайинланган.

• Чирчиқ
• Ҳокимлик