Солиқ қўмитаси ахборот хизматининг хабар беришича, жорий йилнинг 1 май ҳолатида Солиқ мобил иловасидан 10 миллион 965 минг нафардан ошиқ одам фойдаланиши қайд этилган.

Шунингдек, иловадан доимий равишда фойдаланувчилар сони 6.5 миллион нафардан ортиқни ташкил қилмоқда. Апрель ойи ҳисоботларига кўра, илова хизматларидан 115.7 миллион марта фойдаланилган бўлса, товар ва хизматлар чекини рўйхатдан ўтказган фуқароларга ой давомида 115.1 миллиард сўмлик кешбеклар тўлаб берилган.

Март ойида бу сумма 103.2 миллиард сўмни ташкил этганди. Тўланган кешбекларнинг энг кўп қисми эса Тошкент шаҳрида (45 миллиард сўм) қайд этилган.

Қўмита ҳисоботига кўра, 2024 йилда 1 миллиард дона чек учун фойдаланувчиларга 1 триллион 52 миллион сўмдан ортиқ кешбек тўланган. Ушбу муддат мобайнида тўланган кешбекларнинг энг катта қисми Тошкент шаҳридаги истеъмолчиларга тўғри келган — 412.2 миллиард сўм. Ундан кейин Тошкент (107.1 миллиард сўм), Самарқанд (93.2 миллиард сўм), Фарғона (75.6 миллиард сўм) ва Андижон (52 миллиард сўм) вилоятлари ўрин олган.

• Кешбэк
• Солиқ