“АҚШ ва Буюк Британиянинг Яманга қарши тажовузига жавобан бизнинг қуролли денгиз Кучларимиз Адан кўрфазидаги Ким Рангер кемасига зарба беришди” – деди Ҳусийлар ҳарбий вакили Яҳя Сери ал-Масираҳ. Ямандаги Эрон томонидан қўллаб-қувватланган Ҳусийлар Адан кўрфазидаги Америка кемасига қанотли ракеталар юқори аниқликда зарба берганликларини эълон қилишди.
АҚШ ўз навбатида, Ямандаги Эрон тарафдорлари томонидан бошқариладиган ҳудудларда кемаларга қарши ракеталарнинг 2 та учириш мосламасини уриб туширганини хабар қилган.
АҚШ Марказий қўмондонлиги (CЕНТCОМ) томонидан кечқурун эълон қилинган баёнотда шундай дейилган: “Қизил денгизда навигация эркинлигини ҳимоя қилиш ва АҚШ ва шерикларнинг денгиз транспортига ҳужумларнинг олдини олиш бўйича давом этаётган саъй-ҳаракатлар доирасида, 18 январь куни CENTCOM кучлари Яманнинг Ҳусийлар назорати остидаги ҳудудларда учиришга тайёр бўлган 2 та кемага қарши ракеталарга ҳужум қилишди”.
Баёнотда айтилишича, ушбу ракеталар АҚШ ҳарбий-денгиз кучларининг тижорат кемалари ва кемаларига “бевосита таҳдид” бўлган.
Маълумотларга кўра, ракеталар Америка кучлари томонидан “ўзини ҳимоя қилиш” мақсадида йўқ қилинган.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!