Bloomberg ахборот агентлигининг хабар беришича, Apple компанияси биринчи марта арзон ноутбуклар бозорига киришга тайёрланмоқда. Компания илгари асосан юқори нархдаги премиум қурилмалар ишлаб чиқарган бўлса, энди Windows ва Chromebook моделлари билан рақобатлашиш ниятида.

Янги қурилма кенг фойдаланувчилар аудиторияси учун мўлжалланган бўлиб, оддий вазифаларни бажаришга қаратилган. У интернет саҳифаларини кўриш, офис ҳужжатлари билан ишлаш, оддий мультимедиа таҳрирлаш ва бошқа катта ресурс талаб қилмайдиган вазифалар учун идеал танлов бўлади.

Манбаларга кўра, янги ноутбук iPhone’ларда қўлланиладиган А-серияли чип асосида яратилади. Бу эса уни Apple’нинг ҳозирги Mac моделлари учун мўлжалланган М1 процессоридан самаралироқ ва арзонроқ қилади.

Apple ҳозирча лойиҳа ҳақида расмий изоҳ бермаган. Шунга қарамай, компания янги MacBook’ни 2026 йил бошида тақдим этишни режалаштираётгани билдирилган. Қурилманинг тахминий нархи 600 доллар атрофида бўлиши кутилмоқда.

• Apple
• Noutbuk
• iPhone
• технология