Жорий йилда хорижда оғир вазиятларга тушиб қолган 844 нафар фуқаро Ўзбекистонга олиб келинган. Бу ҳақда Ташқи меҳнат миграцияси агентлиги маълум қилди.
Қайд этилишича, Буюк Британия, Болгария, Латвия, Польша, Германия, Сербия, Финляндия, Россия, Қозоғистон каби давлатлардан 474 та ташкилот билан ҳамкорлик келишувлари имзоланиб, уларда 13 мингга яқин бўш иш ўринлари аниқланган. Шу ва бошқа давлатларга жами 27 мингдан ортиқ фуқаро манзилли ишларга жўнатилган. Шунингдек, Корея Республикасига 3825 нафар, Англияга эса 77 нафар ўзбекистонлик ишга жўнатилган.
“Агентлик фаолиятининг муҳим йўналишларидан яна бири ўзбекистонлик меҳнат мигрантлари ҳуқуқ ва манфаатларини ҳимоя қилиш, моддий ёрдам кўрсатиш ҳисобланади. Ушбу йўналишдаги рақамларга тўхталадиган бўлсак, жами 206 мингдан ортиқ фуқарога хизматлар кўрсатилган. Шундан, 183 мингдан ортиғига маслаҳат хизмати, 6063 нафарига ҳуқуқий, 15 мингдан ортиғига ижтимоий, 2595 нафарига моддий ёрдам, (шундан, 1009 нафарига БҲМнинг икки бараваридан, жами 50 255 АҚШ доллари миқдорида бир марталик) кўрсатилган. Шунингдек, 198 нафар фуқаро вақтинчалик хостелларга жойлаштирилган, оғир вазиятларга тушиб қолган 844 нафар фуқаро эса Ўзбекистонга олиб келинган”, – дейилади хабарда.
Агентликнинг хориждаги ваколатхоналари аралашуви билан юртдошларимизнинг иш берувчиларидан 834 минг АҚШ доллари миқдоридаги иш ҳақлари ундириб берилган.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!