Маълумотларга кўра, Канада ташқи ишлар вазири Мелани Жоли 19 март куни Исроилга қурол-яроғ етказиб бериш тақиқланишини маълум қилган. Бу ҳақда "Anadolu" нашри хабар берди.

Хабарда айтилишича, Канада парламентида душанба куни юзага келган мунозаралардан сўнг қонунчилар қурол савдосини тўхтатиш тўғрисидаги таклифни ёқлаб овоз беришларини маълум қилишган. Ҳукумат расмийлари мамлакатнинг Ғазодаги операцияни техник жиҳатдан таъминлаши учун зарурат ва асос йўқ деган хулосага келишган.

“Бу ҳақиқатан ҳам содир бўлмоқда. Дастлабки таклиф қурол сотишни тўхтатиб туриш ҳақида эди, аммо бу эндиликда тўғридан-тўғри тақиққа ўзгартирилмоқда”, — деган Канада ташқи ишлар вазири Мелани Жоли.

Манбага кўра, таклифга Канаданинг халқаро ҳамкорлари билан биргаликда Фаластин давлатини барпо этишни қўллаб-қувватлашга чақирувчи банд ҳам киритилган. Фаластин суверенитетини тан олиш борасида эса ҳали ҳеч қандай фикр билдирилмаган.

Шунингдек, қарор лойиҳаси овоз беришда қабул қилингандан сўнг кучга киради. Мамлакат мудофаа вазирлиги қарор қабул қилиниши учун депутатлар овози эмас, балки ташқи ишлар вазирининг хоҳиш-иродаси кўпроқ роль ўйнаши кераклигини маълум қилган.

• Фаластин
• Isroil
• Канада
• Қурол
• Tashqi ishlar vazirligi