2022 йилнинг биринчи ойида Ўзбекистон қимматли қоғозлар бозорида хорижий акциядорлар сони 0,4 фоизга ошиб, 3 147 нафарни ташкил қилди. Бу ҳақда “Ўзбекистон Қимматли қоғозларнинг Марказий депозитарийси” давлат корхонаси маълум қилди.

Қайд этилишича, юридик шахслар сони 1тага камайиб 320тани, жисмоний шахслар сони эса 14тага кўпайиб 2827тани ташкил этган.

Шунингдек, ҳисобот даврида хорижий инвесторларнинг акциядорлар умумий сонидаги улушида ўзгариш юз бермади ва ўтган ойдаги сингари 0,34 фоизни ташкил этди. Акция чиқарилишларининг умумий ҳажмидаги улуши эса 0,03 фоизга ўсди ва 2,56 фоизни ташкил этди.

Хорижий мулкдорларга тегишли акцияларнинг умумий портфели ўтган ойга нисбатан 3,1 фоизга ортди ва 3,99 трлн.сўмни ташкил этди.

Ўзбекистон эмитентларининг акцияларига сармоя киритиш бўйича етакчиликни қуйида кўрсатилган беш асосий тоифадаги статистик рўйхатларда биринчи ўринга лойиқ топилган мамлакатлар – Қозоғистон, Кипр ва Россия эгаллади:

– инвестицияларнинг умумий суммаси бўйича – Қозоғистон, 1 164,4 млрд.сўм;

– акциядорлик капиталига сармоя киритилган акциядорлик жамиятлари сони бўйича – Россия, 198 та АЖ;

– акция эгаларининг умумий сони бўйича – Россия, 1 490 та акциядор;

– акциядорлар-юридик шахслар сони бўйича – Кипр, 41 акциядор;

– акциядорлар-жисмоний шахслар сони бўйича – Россия, 1 462 акциядор.

Маълумот учун, акциядорлар-юридик шахслар сони бўйича Кипрдан сўнг 34та акциядорлари билан Буюк Британия ва Кайман ороллари (Буюк Британия) банд қилган.

• Акция
• Кипр