Reuters хабарига кўра, Исроил бош вазир Бинямин Нетаняху Эроннинг янги олий раҳнамоси Можтаба Хоманаийни ўлдириш билан таҳдид қилган. Уруш бошланганидан бери биринчи матбуот анжуманини ўтказган Нетаняху деярли икки ҳафталик бомбардимонлардан сўнг Эрон “энди аввалгидек эмас”лигини айтди ва Ислом инқилоби қўриқчилари корпуси ва Басиж яримҳарбий кучларига зарба берилганини айтди.

Нетаняхудан Эроннинг янги олий раҳнамоси ва “Ҳизбуллоҳ” етакчисига қарши қандай чоралар кўрилиши ҳақида сўралганида “Мен террорчи ташкилот раҳбарларидан бирортасига ҳам ҳаёт суғуртаси полисини бермаган бўлардим... Бу ерда нималарни режалаштираётганимиз ёки нима қилмоқчи эканимиз ҳақида аниқ ҳисобот бериш ниятим йўқ”, – дея жавоб берди Нетаняху .

Исроил Эронга ҳужумдан мақсад Теҳроннинг ядровий ва баллистик ракета дастурлари туфайли юзага келаётган “экзистенсиал таҳдидни бартараф этиш” эканини маълум қилган. Шунингдек, эронликларни қўзғолонга ундаш орқали ҳукумат қулатишга чақирган.

Шунингдек, “Биз қандай чоралар кўраётганимизни батафсил айтмайман. Биз режимни ағдариш учун оптимал шароитларни яратмоқдамиз, бироқ Эрон халқи режимни ағдаради, деб тўлиқ ишонч билан айта олмаслигимни инкор қилмайман, режим ичкаридан ағдарилади. Аммо биз, шубҳасиз, ёрдам бера оламиз ва ёрдам беряпмиз ҳам”, – деди Исроил бош вазири.

• Binyamin Netanyaxu
• Eron
• Isroil
• Уруш