Украина президенти Володимир Зеленский сўзларига кўра, Россия Эронга “Shahed” дронларини етказиб бермоқда ва улар АҚШ ҳамда Исроилга қарши қўлланиши мумкин. Бу ҳақда у шанба куни CNN телеканалига берган интервьюсида маълум қилган.

Зеленский телеканал мухбири Фарид Закарияга берган интервьюсида Эрон АҚШ базаларига ҳужум қилиш учун Россияда ишлаб чиқарилган “Shahed”лардан фойдалангани “100% факт” эканини таъкидлаган.

“Shahed” dronlari минтақадаги бошқа ҳужумларда ҳам қўллангани айтилади, бироқ уларнинг ишлаб чиқарувчиси ҳар доим ҳам аниқ бўлавермайди. “Shahed” dronlari дастлаб Эрон томонидан ишлаб чиқилган бўлиб, улар қиммат ракеталарга нисбатан анча арзон муқобил ҳисобланади. Бу дронлар кенг миқёсда илк бор Россиянинг Украинага босқини вақтида қўлланила бошлаган. Украина маълумотларига кўра, 2022 йил кузидан буён Россия кучлари томонидан минглаб шундай дронлар учирилган.

Дастлаб дронларни Эрондан олган Россия кейинчалик “Shahed” туридаги аппаратларни ўз ҳудудида ҳам ишлаб чиқара бошлаган. Ҳозирда бундай турдаги дронлардан бошқа давлатлар армиялари ҳам фойдаланмоқда. Жумладан, АҚШ ҳарбийлари ҳам улар Эрон билан боғлиқ амалдаги ҳарбий кампанияларда қўлланаётганини билдирган.

• АҚШ
• Eron
• Isroil
• Украина
• Зеленский
• дрон