Ўзбекистонда амалдаги Санитария-эпидемиологик нормаларга ўзгартириш ва қўшимчалар киритилди.

Қайд этилишича, умумтаълим мактабларида таълим шароитлари ва ташкил этилишига қўйиладиган санитария-эпидемиологик талабларига иловага мувофиқ киритилган ўзгартиришлар ва қўшимчада ҳафталик ўқув юкламасининг максимал даражасига бўлган гигиеник талаблар қуйидагича белгиланган:

1-синфлар учун – дарслар кунига 4 соатдан ва ҳафтада 2 кун 5 соатдан кўп бўлмаслиги керак (5 соатлик ўқув кунида жисмоний тарбия ёки енгил фанлар – технология, тасвирий санъат, мусиқа маданияти, тарбия фанлари ўқитилади). 1-синфлар учун дарс соатлари 1 ҳафтасига 22 соатдан ошмаслиги керак;

2 – 4-синфлар учун – дарслар кунига 4 соатдан ва ҳафтада 4 кун 5 соатдан кўп бўлмаслиги керак (5 соатлик ўқув кунида жисмоний тарбия ёки енгил фанлар – технология, тасвирий санъат, мусиқа маданияти, тарбия фанлари ўқитилади);

5 – 9-синфлар учун – дарслар кунига 6 соатдан кўп бўлмаслиги керак;

10 – 11-синфлар учун – дарслар кунига 6 соатдан кўп бўлмаслиги керак;

Шунингдек, бир йил давомида ўқув ҳафталиги 1-синфлар учун – 33 ҳафта, 2 – 11-синфлар учун 34 ҳафтадан ошмаслиги лозим.

• Дарслик
• Мактаб
• Ўқувчи
• Sanitariya