Расмий ташриф билан мамлакатимизга келган Малайзия Бош вазири Анвар Иброҳим Ўзбекистон Бош вазири Абдулла Арипов ҳамроҳлигида “Янги Ўзбекистон” боғига ташриф буюриб, Мустақиллик монументи пойига гул қўйди. Бу ҳақда Бош вазир матбуот котиби хабар берди.

Қайд этилишича, Олий мартабали меҳмон Президент Шавкат Мирзиёевнинг ташаббуслари билан барпо этилган мажмуа меъморий ечимлари ҳамда композициясининг мазмун-моҳияти ва хусусиятлари билан атрофлича танишган.

“Ватанимизнинг кўп минг йиллик тарихида юз берган энг муҳим воқеаларни ўзида ифода этган ушбу мажмуа Малайзия делегациясида катта таассурот қолдирди, дейилади хабарда.

• Бош вазир
• Malayziya
• Mustaqillik monumenti