Жорий йилнинг 3 ойи давомида МИБнинг Андижон вилояти бошқармаси ҳамда унинг ҳудудий бўлимларига жисмоний ва юридик шахслардан жами 3 795 та мурожаат келиб тушган. Бу ҳақда Бош прокуратура маълум қилди.

Қайд этилишича, кўриб чиқилган мурожаатларнинг 1 470  таси қаноатлантирилган, 1 863 таси юзасидан ҳуқуқий тушунтиришлар берилган. Мурожаатларни кўриб чиқиш натижалари бўйича 1 464 нафар шахснинг бузилган ҳуқуқларини тиклаш билан бирга суд ҳужжатлари асосида салкам 2,6 млрд сўм маблағларни ундиришга эришилган.

Жумладан, Бюронинг Андижон туман бўлими ходимлари томонидан олиб борилган ижро ҳаракатлари натижасида ходим Т.Алимжонов банкдаги ўз лавозимига қайта ишга тикланган ва мажбурий прогул кунлари ҳамда маънавий зарар учун жами 47,7 млн сўм тўлаб берилган.

Маълумот ўрнида, келиб тушган мурожаатларнинг соҳалар кесимидаги таҳлилига кўра, 2 548 таси алимент, 559 таси қарз ва зарар ундириш, 21 таси ноқонуний қурилмаларни буздириш, 34 таси четга чиқиш ҳуқуқларини вақтинча чеклашни бекор қилиш, 6 таси қидирув, 190 таси бошқа масалаларни ташкил этган.

• Андижон
• Бош прокуратура
• МИБ