Навоий вилоятида чақалоғини 10 млн сўмга сотмоқчи бўлган аёл қўлга олинди. Бу ҳақда вилоят ИИБ ахборот хизмати маълум қилди.

Унга кўра, Навбаҳор туманида яшовчи К.Р. ҳали чилласи чиқмаган чақалоғини 10 млн сўмга баҳолаган. Давлат хавфсизлик хизмати вилоят бошқармаси ҳамда туман ИИБ ходимлари иштирокида ўтказилган тезкор тадбир давомида К.Р. чақалоғини қўшни маҳалладаги З.С.га 10 млн сўмга сотаётган пайтда ашёвий далиллар билан қўлга олинган.

Мазкур ҳолат юзасидан аёлга нисбатан Ўзбекистон Республикаси Жиноят кодексининг 135-моддаси (Одам савдоси) 3-қисми билан жиноят иши қўзғатилиб, тергов ҳаракатлари олиб борилмоқда.

• Chaqaloq
• Навоий