Машҳурлар билан суҳбат рукнимиз давом этади. Бу сафарги  дастуримизнинг меҳмони – истеъфодаги полковник, Ўзбекистон журналистлар ижодий уюшмаси аъзоси, Халқаро экология, табиат ва инсон хавфсизлиги илмий академияси академиги, “Меҳнат фахрийси” ҳамда бир қанча давлат мукофотлари соҳиби Миркарим ота Мирсавуров.

Олимжон Ҳасанов, Xabardor.uz журналисти – Ассалому алайкум, Миркарим ота, биз учун вақт ажратганингиздан бағоят мамнунмиз. Келинг суҳбатимизни сизни айни дамда ушбу суҳбатни томоша қилаётганлар учун яна бир бор таништиришдан бошласак, марҳамат.\

Миркарим Мирсавуров, Меҳнат фахрийси: – Ҳаёт тақозоси билан ўрта мактабни битиргандан кейин Батумига (Грузия) ҳарбий хизматга бордик. Рус тилини билганим учун ҳарбий мухбир сифатида иш олиб бордим. Бу тажриба таъсирида йўлланма беришди ТошДУ(ЎзМУ)ни журналистика факултетига келиб кирдим. Оилали бўлдим ва бир қанча давлат идораларида фаолият юриттим. Шароф Рашидовнинг ўз тавсияси ва котибият қарори билан пагонга ўтдик. Тошкент вилояти Ички ишлар идорасида 15 йил ишладим. Шундан сўнг нафақага қадар давлат божхона қўмитаси матбуот маркази раҳбари сифатида фаолият ютганман.

О.Ҳ.: – Божхонада қўлга тушган, лекин ҳеч кимга очиқланмаган ашёлар бор ва улар мен ташкиллаштирган музейга жойланди деб айтиб ўтдингиз. Агар мумкин бўлса айтиб бера оласизми, бу қандай буюмлар эди?

М.М.: – Уларнинг аксарияти гиёҳванд моддалар бўлган. Мен уларни янги ташкил қилинган музейда тўлиқ назорат остида сақлаш тажрибасини бошладим. Кейин қуроллар қўлга туша бошлади. Ундан кейин бизда Дубай каби давлатлардан тилла олиб келиш оммалашди. Шу билан бирга қадимий тангалар ва тариҳий аҳамиятга эга бўлган аёллар тақинчоқларини ноқонуний олиб чиқишга уринганлар ҳам қўлга туша бошлади.

О.Ҳ.: – Сўзингиз аввалида Шароф Рашидовни эсладингиз. Сиз у кишини қандай хотирлайсиз?

М.М.: – Тошкент вилоят милицияси билан ҳамкорликда Бекобод металлургия заводида махсус бўлим ишга тушиши керак бўлди. Мен шуни ташкил қилдим ва ушбу бўлим очилишида Шароф Рашидов билан бирга қатнашдим. Тадбир ўтгандан кейин Рашидов мени чақиртирди, раҳмат айтди. Бироз вақт ўтгач, мени “марказқўм”нинг бир бўлимига инструктор қилиб ишга олди. Бу махфий бўлим эди. Москвадан келадиган ҳамма маълумотлар махфий келарди. Менинг вазифам эса бу маълумотларни Шароф акага етказиш эди.

О.Ҳ.: – Ўзбекистон Республикасининг биринчи президенти Ислом Каримов ҳақида нима дея оласиз?

М.М.: – Ислом Каримов билан фақат тадбирларда кўришганмиз. Бир марта қўлимни сиқиб кўришгани Мустақиллик майдонида полковник олган куним эди. Ундан кейин 1-2 марта кўришдик, лекин кўпчиликнинг ичида. Чунки уни ёнига шахсий иш билан бориш жуда қийин эди. Лекин гаплари худди ҳарбийлардек аниқ ва тиниқ эди. Ҳозирги президентимиз Мирзиёев эса Каримовнинг ана шу қаттиққўл ва талабчанлик ҳислатларини ўзлаштирган ҳамда айтганини амалда бажарадиган инсон.

• Ҳарбий
• Интервю
• Ислом Каримов
• Журналистика
• Меҳнат
• Ўзбекистон
• СССР
• Sharof Rashidov
• Шавкат Мирзиёев