Бу ҳақда Володимир Зеленский ўзининг Х ижтимоий тармоғидаги саҳифасида эълон қилди.

“Украинанинг миллий байрами — Мустақиллик куни муносабати билан сизни ва бутун Украина халқини самимий муборакбод этаман. Ишончим комилки, давлатларимиз ўртасидаги анъанавий дўстлик ва узоқ муддатли ҳамкорлик тамойилларига асосланган алоқалар келгусида ҳам халқларимиз умумий манфаатлари йўлида ривожланиб бораверади”, — дейилади Ўзбекистон президенти мактубида.

Ўз навбатида, Зеленский табрик учун Шавкат Мирзиёевга миннатдорлик билдирган.

“Ишончим комилки, давлатларимиз бундан буён ҳам Украина ва Ўзбекистоннинг дўст халқлари фаровонлиги йўлида самарали ҳамкорликни ривожлантириб, икки томонлама муносабатларни мустаҳкамлаб бораверади”, — деган Украина етакчиси.

• Mustaqillik
• Шавкат Мирзиёев
• Табрик
• Зеленский