Ўзбекистон “GSP+” тизимига қўшилганига бир йилдан ошди. Бу ҳақда бугун, 7 ноябрь куни президент Шавкат Мирзиёев раислигида бўлиб ўтаётган саноатни ривожлантириш масалаларига бағишланган видеоселектор йиғилишида айтиб ўтилди.

Қайд этилишича, Европа бозорида сотиладиган тайёр маҳсулотлар учун транспорт харажатларига 70 фоизгача субсидия берилмоқда.

Лекин, “GSP+”га кирадиган 6 минг 200 та божсиз маҳсулотнинг бор-йўғи 325 тури экспорт қилинаётгани кўрсатиб ўтилди.

Сабаби – ўзбек корхоналари йирик етказиб бериш занжирларига қўшила олмаяпти, халқаро сертификати йўқ. Сифати яхши бўлса ҳам, маҳсулотини сота олмаяпти.

Шу муносабат билан мутасаддиларга Европага келгуси йилда саноат экспортини 600 та маҳсулотга, экспорт ҳажмини 700 миллион долларга етказиш вазифаси қўйилди.

• Экспорт
• Шавкат Мирзиёев
• Видеоселектор
• Европа