Исроил армиясининг Ғазо секторига уюштирган ҳужумлари натижасида яна бир журналист ҳалок бўлди, деб хабар бермоқда Фаластин ҳукуматининг Ғазодаги матбуот хизмати.

Матбуот хизматининг аниқлик киритишича, “Ал-Ан” агентлиги ходими Муҳаммад Бисам ал-Жамол Рафаҳ шаҳридаги уйлардан бирига зарба бериш чоғида ҳалок бўлган.

2023 йил 7 октябрдан бери Исроилнинг Ғазо секторига уюштирган ҳужумларида ҳалок бўлган оммавий ахборот воситалари ходимлари сони 141 нафарга етди.

Ғазо ҳукумати аввалроқ Исроил “Фаластин овозини ўчириш, фактларни яшириш ҳамда минтақа ва халқаро жамоатчиликка хабар ва маълумотлар етиб боришига йўл қўймаслик учун” Ғазодаги оммавий ахборот воситалари ходимларини атайлаб нишонга олаётгани ҳақида хабар берган эди.

• Фаластин
• Isroil
• jurnalist