Бош прокуратура ҳузуридаги Департаментнинг Тошкент вилояти бошқарма томонидан Оҳангарон-Наманган автомобиль йўналишида ўтказилган тезкор тадбирда ноқонуний дори воситалари савдоси билан шуғулланиб келган М.Н. фуқаро И.Й.га хорижда ишлаб чиқарилган сифатини тасдиқловчи ҳужжатлари бўлмаган 8 турдаги жами 10 255 қути дори воситаларини 19 000 АҚШ долларига сотган вақтида ашёвий далиллар билан ушланган.

Бу ҳақда, Ўзбекистон Республикаси Бош прокуратураси ҳузуридаги Иқтисодий жиноятларга қарши курашиш департаменти ахборот хизмати хабар берди.

Мазкур ҳолат юзасидан Жиноят кодексининг 186-3-моддаси (сифатсиз ёки қалбакилаштирилган дори воситаларини ёхуд тиббий буюмларни ўтказиш мақсадида ишлаб чиқариш, тайёрлаш, олиш, сақлаш, ташиш ёки ўтказиш) билан жиноят иши қўзғатилиб, тергов ҳаракатлари ўтказилмоқда.

• Dori
• Qoidabuzarlik
• Тошкент
• savdo