“Маҳаллани ривожлантириш ва жамиятни юксалтириш” йилида устувор йўналишлар бўйича ислоҳотлар дастурлари ва “Ўзбекистон – 2030” стратегиясини амалга ошириш бўйича давлат дастури тўғрисида”ги Президент Фармонига кўра, 2026–2027-ўқув йилидан 7 та ҳудудда илғор касбий маҳорат техникумларида “Касблар шаҳарчалари” ташкил этилиб, улар орқали мактаб ўқувчилари замонавий касбларга йўналтирилади. Шунингдек, 2026–2027-ўқув йилидан бошлаб техникумларда стипендия тўлаш амалиётини йўлга қўйиш ҳамда ҳудудларда 24 та малакани баҳолаш марказларини ташкил этиб, меҳнат бозорида тан олинадиган сертификат беришни жорий этиш белгиланган.

• Фармон
• Президент
• Стипендия
• Техникум