Покистон ички ишлар вазири Моҳсин Нақвининг айтишича, расмий ҳужжати бўлмаган афғон фуқароларига 2025 йил 1 январдан бошлаб, Исломободда қолишига рухсат берилмайди. Керакли ҳужжатларни қабул қилиш муддати 2024 йил 31 декабргача белгиланган. Ушбу санадан кейин барча афғон фуқаролари ҳам Покистон паспортига эга бўлиши шарт.

“31 декабрдан кейин ҳеч бир афғоннинг Исломободда ҳужжатсиз юришига йўл қўйилмайди. Агар улар қолишни истасалар, махсус идоралардан яшаш учун рухсатнома олишлари керак. Яқин кунларда батафсил маълумот берамиз, аммо ушбу муддатдан сўнг Исломободда рухсатсиз яшаш мумкин бўлмайди” – деган вазир.

Айрим муҳожирлар ҳуқуқлари фаоллари афғон муҳожирлари дуч келаётган муаммоларни ҳал қилиш учун Афғонистон ва Покистон ўртасида қўшма қўмита тузилиши зарурлигини таъкидлаган.

Аввалроқ, БМТ 36 мингга яқин афғон муҳожири Покистондан мажбурий депортация қилингани ҳақида хабар берган эди.

• Афғонистон
• Покистон
• муҳожир