Хабар берилишича, Доналд Трамп маъмурияти томонидан эълон қилинган “ўз ихтиёри билан депортация” дастури асосида Қўшма Штатларни ихтиёрий тарк этган 64 нафар мигрант бўлган илк чартер рейс Гондурас ва Колумбияга етиб борган.

АҚШ Ички хавфсизлик вазирлигига кўра, ушбу ноқонуний мигрантлар янги CBP Home иловаси орқали ўзлари рўйхатдан ўтган ва улар учун Ҳюстондан махсус чартер парвози ташкил этилган.

“Ушбу мигрантлар бепул парвоз, 1000 доллар пул маблағи ва келажакда Қўшма Штатларга қонуний асосда қайтиш имкониятини олишган”, – дейилади вазирлик баёнотида.

Гондурасга қайтган 38 кишига ушбу мамлакат ҳукумати қўшимча равишда 100 доллардан пул, озиқ-овқат талонлари берган ва иш билан таъминлашда ёрдам беришга ваъда қилган. Колумбияга қайтган 26 кишига эса мамлакат ҳукумати “ижтимоий хизматлар” кўрсатганини маълум қилган.

• АҚШ
• Депортация
• Колумбия
• migrant