Қашқадарё вилоятининг Яккабоғ туманида яшовчи фуқаролар Р.О. ҳамда А.О. томонидан 2022 йил август ойида “Дархон” МФЙ ҳудудида жойлашган “Кунжутлитепа” археология ёдгорлигини бузиб ташланган.

Маданий мерос агентлиги вилоят бошқармаси масъуллари томонидан бузишни тўхтатиш ҳақидаги огоҳлантиришларга қарамай, фуқаролар ёдгорлик ҳудудидаги баландлиги 4 метр, эни 22 метр бўлган тепалик тупроғини суриб ташлаган. Натижада маданий мерос объекти қайта тикланмайдиган даражага келиб қолган.

Ҳолат бўйича жиноий иш қўзғатилиб, уни Жиноят ишлари бўйича Яккабоғ туман суди кўриб чиқди. Ҳал қилув қарорга кўра, фуқаро А.О. ЖКнинг 28, 132-моддаси 3-қисмида назарда тутилган жиноятни қилганликда айбли деб топилиб, унга нисбатан 3 йилу 6 ой муддатга озодликни чеклаш жазоси тайинланган. Унинг шериги фуқаро Р.О. Ўзбекистон Республикаси ЖКнинг 132-моддаси 3-қисмида назарда тутилган жиноятни қилганликда айбли деб топилган. Фуқаролар Р.О. ва A.O.гa шерикчилик тартибида етказилган 47 млрд. 520 млн. сўмлик зарарни ундириш белгиланди.

• Жиноят
• Маданий мерос
• Qashqadaryo