“Владимир Зеленский Доналд Трамп Украина можаросини ҳал қилиш учун зарур деб ҳисоблаган барча таклифларини рад этди” - деди Россия ТИВ раҳбари NBC телеканалига берган интервьюсида.

“Вашингтоннинг фикрича, можарони ҳал қилиш учун бир қатор тамойиллар қабул қилиниши керак. Жумладан, Украинанинг НАТОга ҳеч қачон аъзо бўлмаслиги, ҳудудий масалалар бўйича муҳокамага очиқ бўлиши ва бошқалар. Лекин Зеленский буларнинг барчасига йўқ деди. Россия эса, АҚШ президенти кўтарган айрим масалалар бўйича мослашувчан ёндашишга рози бўлган эди” - деди Лавров.

У Путин ва Зеленский учрашуви эҳтимоли ҳақида гапирар экан, ҳозирча бу нарса режалаштирилмаганини айтди. Бироқ, агар бундай саммитнинг кун тартиби тайёр бўлса, Россия президенти Украина раҳбари билан учрашишга тайёр.

• Путин
• Россия
• Украина
• Зеленский