Аввалроқ, Фарғона вилоятининг Қўқон шаҳрида жойлашган бозорда йирик ёнғин содир бўлгани хабар қилинган эди. Қайд этилишича, бозорда ёниб кетган дўконлар 15 кунда қайта қуриб берилишини маълум қилинган.
Вилоят ҳокимлиги матбуот котибига кўра, қурилиш ишлари 15 кун муддатда якунланади ва бунинг учун етарли қурувчилар жалб этилади. Қурилиш ишлари учун тадбиркорлардан умуман пул олинмайди. Барча ишлар бозор маъмурияти ҳисобидан амалга оширилади.
“Вилоят ҳокимлиги қурилиш ишлари 15 кун муддатда якунланишини, бунинг учун етарли қурувчиларнинг жалб этилишини таъминлайди ва назоратга олади. Қурилиш ишлари учун тадбиркорлардан ҳеч қандай маблағ олинмайди. Барча ишлар бозор маъмурияти ҳисобидан амалга оширилади, бунинг учун маъмуриятга етарли банк кредити тақдим этиладиган бўлди”, – дея таъкидлаган вилоят ҳокимлиги матбуот котиби Дилмурод Жумабоев.
Ҳозирда зарар миқдорини аниқлаш ишлари давом этмоқда.
Эслатиб ўтиш мумкин, 12 июнь куни соат 19:17 да Қўқон шаҳрининг Байналмилал кўчасида жойлашган “Буюк ипак йўли” савдо комплекси ҳудудидаги дўкон расталарида ёнғин содир бўлаётгани тўғрисида хабар келиб тушган ва ФВБ ходимлари ва маҳаллий аҳоли томонидан 4 соатдан ортиқ вақт давомида ўчирилган.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!